Nus realisain purschidas digitalas. Nus vulain crear soluziuns attractivas, effizientas e durablas – soluziuns cun senn, ma senza climbim. Nua che quai è pussaivel, utilisain e creain nus open-source. Ed il pli gugent avain nus, sche nus pudain far tut quai per rumantsch.

Nossas cumpetenzas èn vastas e cumpiglian la programmaziun dad applicaziuns web, apps e bancas da datas.

Apropos apps: En quest reguard ans essan nus spezialisads sin apps hibridas sin basa da Capacitor ed Angular. Per noss backends utilisain nus savens Spring Boot u Symfony. Nus avain dentant era experientscha cun tecnologias pli exoticas, sco add-ins per Microsoft 365 u il svilup da Hunspell. Nus ans adattain gugent a voss basegns.

E nus? Quai èn ils frars Gion-Andri Cantieni (svilup) e Martin Cantieni (mainaproject).